Xalçalarını yumağa verdi, həm xalçalarını, həm də pulunu itirdi.
Vətəninfo.az Xəzər Tv-yə istinadən xəbər verir ki, paytaxt sakini Şəlalə Məmmədli üç ay əvvəl xalçalarını yuduzdurmaq üçün “AY XALI” şirkətinə müraciət edib. Ödənişi əvvəlcədən tam etdikdən sonra xalçalarını şirkətə təhvil verib. Lakin, problemlər də məhz bundan sonra başlayıb.
Şəlalə Məmmədli deyir ki, dəfələrlə müraciət etməyinə baxmayaraq ona hər dəfə eyni cavab verilib.
Zərərçəkən iddia edir ki, ona 2500 manatdan çox zərər dəyib. Onun sözlərinə görə, eyni şirkətlə bağlı şikayəti olan başqa şəxslər də var. Zərərçəkənlər şirkəti sosial şəbəkələr vasitəsilə tapdıqlarını bildirirlər. Şirkətin dəqiq ünvanı qeyd olunmasa da, onlara çek təqdim edilmədiyi də iddia olunur.
