Çinin müdafiə naziri Li Şanfu tutduğu vəzifədən uzaqlaşdırılıb və araşdırma aparılır. Vətəninfo.az xəbər verir ki, bu iddianı Financial Times irəli sürüb.
Nəşr qeyd edib ki, Li Şanfu iki həftədən artıqdır ki, ictimaiyyət arasında görünmür.
O, sentyabrın 7-8-də Vyetnam və Çin arasında keçiriləcək illik müdafiə əməkdaşlığı toplantısında iştirak etməli idi, lakin iki gün sonra səfəri “sağlamlıq səbəbi ilə” ləğv etdi.
Li Şanfu 2023-cü il martın 12-də müdafiə naziri vəzifəsinin icrasına başlayıb. Avqustun 16-da o, Belarusa rəsmi səfərə gedib.
Minsk hava limanında onu müdafiə naziri Viktor Xrenin qarşılayıb. Ertəsi gün Li Şanfu Aleksandr Lukaşenko ilə görüşüb.
