Azərbaycan Prezidentinin köməkçisi və Prezident Administrasiyasının Xarici Siyasət şöbəsinin müdiri Hikmət Hacıyev ABŞ Dövlət Katibinin Siyasi Məsələlər üzrə müavini Alison Huker ilə görüşüb.
“Dövlət Katibinin Siyasi Məsələlər üzrə müavini Alison Hukerin rəhbərlik etdiyi ABŞ nümayəndə heyəti ilə görüşməkdən məmnunam. Müzakirələrimiz Ermənistan və Azərbaycan arasında sülh gündəliyinin irəliləməsi və regional əlaqə təşəbbüslərinin həyata keçirilməsi də daxil olmaqla geniş məsələləri əhatə etdi. Həmçinin, əsas regional və qlobal inkişaflar barədə fikir mübadiləsi apardıq və Azərbaycan və ABŞ arasında strateji tərəfdaşlıq ruhunu bir daha təsdiqlədik”, – deyə Hacıyev sosial mediada yazıb.
