“Növbəti illərdə Azərbaycanın qeyri-neft ixracı 2 milyard dollara çatacaq”.
Veteninfo.az xəbər verir ki, bunu “Azərbaycanda xarici biznes: Biznes mühiti sorğusu 2021” hesabatının təqdimatında İqtisadiyyat naziri Mikayıl Cabbarov deyib.
Onun sözlərinə görə, ölkədə qeyri-neft ixracı 37 faiz artıb: “Münbit dinamika növbəti illərdə ixrac həcmini 2 milyard dollara çatdırmağa imkan verəcək. İxracla bağlı olan məlumatları təhlil etmişik, burada kifayət qədər ciddi xammal və malların həcmi var”.
Mikayıl Cabbarov təqdimatdakı çıxışı zamanı Ələt Azad İqtisadi Zonasının logistika imkanları barədə məlumat verib. Nazir əlavə edib ki, növbəti illərdə dövlət satınalmalarının keyfiyyəti və islahatı, eyni zamanda, rəqabətin artırılması məsələsi də prioritet məsələ olacaq.
