image-cdb486d8-658a-321d-9d51-daa27c15ccee_850backend

SOCAR avqustda Litvadan Ukraynaya 5 min tona yaxın benzin idxal edib

image-reklam_sirab_01

Bu ilin avqust ayında Dövlət Neft Şirkətinin (SOCAR) Ukraynadakı törəməsi “SOCAR Energy Ukraine” şirkəti bu ölkəyə 4,8 min ton avtomobil benzini idxal edib.

Veteninfo.az-ın Ukrayna mətbuatına istinadən verdiyi məlumata görə, bu barədə “A-95” konsaltinq qrupunun hesabatında deyilir.

Məlumata görə, bu, iyul ayı ilə müqayisədə 0,8 min ton və yaxud 20 % çoxdur. Azərbaycan şirkətinin idxal etdiyi benzin Litvadan gətirilib.

Ümumilikdə, ötən ay Ukraynaya 137,6 min ton avtomobil benzini idxal edilib. Bu, ötən ilin avqust ayı ilə müqayisədə 26% çoxdur. İdxalın 101 min tonu Belarusdan həyata keçirilib. Litvadan isə Ukraynaya 36,6 min ton avtomobil yanacağı idxal edilib ki, bu da 1 il əvvələ nisbətən 75% çoxdur.

Bu ilin yanvar-avqust aylarında isə Ukraynaya 814 min ton avtomobil benzini idxal edilib ki, bu da ötən ilin 8 ayının göstəriciləri ilə müqayisədə 16% çoxdur.


  • whatsapp
  • messenger
  • telegram
  • vkontakte
  • odnoklassniki