Təl-Əvivdən Mahaçqalaya uçan təyyarədə nə yəhudi, nə də israilli olub. Bu barədə İsrail Milli Təhlükəsizlik Şurasının bəyanatında deyilir.
Vətəninfo.az xəbər verir ki, İsrailin Milli Təhlükəsizlik Şurası, ölkənin baş nazirinin ofisləri və Xarici İşlər Nazirliyi birgə bəyanat yayaraq, ölkənin Dağıstanda baş verən hadisələri izlədiyini bildirib.
“İsrail Rusiyanın hüquq-mühafizə orqanlarından harada olurlarsa olsunlar, bütün İsrail vətəndaşlarının və yəhudilərin təhlükəsizliyini qorumasını, yəhudilərə və israillilərə qarşı iğtişaşlara və vəhşi təhriklərə qarşı qətiyyətlə hərəkət etmələrini gözləyir”, – deyə bəyanatda bildirilir.
