Ukrayna prezidenti Vladimir Zelenski ölkəsinin NATO üzvlüyünü ərazilərlə mübadilə etmək “təkliflərinə” cavab verib. O, bu barədə Danimarkanın baş naziri Mette Frederiksenlə birgə mətbuat konfransında bildirib.
Bu yaxınlarda Şimali Atlantika Müqaviləsi Təşkilatının baş katibinin aparat rəhbəri Stian Jensen bəyan etmişdi ki, Ukrayna Rusiya Federasiyasının işğal etdiyi ərazilərin mübadiləsi müqabilində NATO-ya üzv ola bilər.
Zelenski Jensenə etiraz edib və başqa variant təklif edib.
“Biz Belqorodu (Rusiyanın Ukrayna ilə həmsərhəd regionu – red.) NATO üzvlüyünə dəyişməyə hazırıq”.
Rusiyada isə Ukrayna rəhbərinin bəyanatına reaksiya veriblər. Rusiya Xarici İşlər Nazirliyinin rəsmi nümayəndəsi Mariya Zaxarova bununla bağlı aşağıdakıları bildirib.
“Görünür, o (Zelenski-red.) həddindən artıq dozada qəbul edib”.
