Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin 2024-cü il üzrə kiçik qrant müsabiqəsinin qalibləri olan QHT-lərin rəhbərlərinin digər qrupu ilə görüş keçirilib.
Görüşdə Prezident Administrasiyasının QHT-lərlə iş və kommunikasiya şöbəsinin QHT-lərlə iş sektorunun müdiri Tural Əliyev, QHT-lərə Dövlət Dəstəyi Agentliyinin İcraçı direktoru Aygün Əliyeva, həmin Agentliyin Müşahidə Şurasının üzvü Günel Səfərova və digər məsul şəxslər iştirak edib.
Əvvəlcə Aprel şəhidlərinin əziz xatirəsi 1 dəqiqəlik sükutla ehtiramla yad olunub.
Görüşdə müsabiqənin qalibləri təbrik edilib, onların sualları ətraflı cavablandırılıb, gözləntilər izah olunub.
Bununla da 2024-cü il üzrə qrant müsabiqəsinin qalibləri ilə görüşlər başa çatdırılıb. Ümumilikdə, bu həftə ərzində keçirilmiş 3 analoji görüşdə 400-dən çox QHT rəhbəri iştirak edib. Təkliflər dinlənilib, müvafiq qeydlər götürülüb.
![image-1](https://veteninfo.az/public/storage/2024/04/media-1-47v1i9cuqypn3ltzr5j2-300x169.jpg)
![image-2](https://veteninfo.az/public/storage/2024/04/media-2-vpjx3wtmi8gufqnrkoyc-300x200.jpg)
![image-3](https://veteninfo.az/public/storage/2024/04/media-3-tqrfk5py20v81wouhsil-300x200.jpg)
![image-4](https://veteninfo.az/public/storage/2024/04/media-4-2ysp1ghvoz4jmbufke5i-300x169.jpg)