“İranın nüvə proqramı heç vaxt indiki qədər inkişaf etməyib”.
Vətəninfo.az xəbər verir ki, bu barədə “Avropa üçlüyü”nün (Fransa, Almaniya və Böyük Britaniya ) BMT-də səslənən bəyanatında deyilir.
Bəyanatı Fransanın BMT-dəki daimi nümayəndəsi Nikola de Rivyer oxuyub.
“İran iki ildir ki, görünməmiş addımlar atır və ölkənin (İran – Red) nüvə proqramı heç vaxt indiki qədər inkişaf etməyib. Bu nüvə eskalasiyası beynəlxalq sülh və təhlükəsizliyi təhdid edir” , – deyə Nikola de Rivyer bildirib.
Onun sözlərinə görə, Fransa, Almaniya və Böyük Britaniya İranın nüvə proqramı ilə bağlı Birgə Hərtərəfli Fəaliyyət Planının tam şəkildə həyata keçirilməsinə sadiqdirlər.
