Yazın gəlməsinə baxmayaraq, Daşkəsənə martın 25-i və 26-sı tarixlərində güclü qar yağıb.
Qarın qalınlığı Daşkəsən rayon mərkəzində 15 santimetr, daha yüksək dağlıq ərazilərdə yerləşən Xoşbulaq, Çıraqlı, Əmirvar, Qabaqtəpə, Astaf, Alaxançallı, Gurbulaq, Dəstəfur, Əhmədli, Mollahəsənli kəndlərdə 25-30 santimetrə çatıb.
Rayon rəhbərliyinin tapşırığına uyğun olaraq, kəndlərarası yollarda və Daşkəsən-Gəncə avtomobil yolunda qarın nəqliyyatın hərəkətinə çətinlik yaratmaması üçün mütəmadi təmizləmə işləri aparılıb, qum-duz qarışığı səpilib.
Elektrik enerjisinin, qazın və içməli suyun verilişində fasilələr yaranmayıb.
Hazırda rayon ərazisində şaxtalı qeyri-sabit hava şəraiti davam edir. Rayonun bütün idarə, müəssisə və xidmət təşkilatları işini hava proqnozlarını nəzərə almaqla qururlar.
![image-1](https://ulusal.az/public/storage/2024/03/media-1-cvjh5n814gm3waotke06-300x225.jpg)
![image-2](https://ulusal.az/public/storage/2024/03/media-2-vlf6jak0wnrscbip24zx-300x224.jpg)
![image-3](https://ulusal.az/public/storage/2024/03/media-3-i62vafrcn9u0oqhtbgem-300x226.jpg)
![image-4](https://ulusal.az/public/storage/2024/03/media-4-v5s6u2mq8yektf1w7xhz-300x225.jpg)
![image-5](https://ulusal.az/public/storage/2024/03/media-5-lahbmn0xfjp2uoikwegc-300x226.jpg)
![image-6](https://ulusal.az/public/storage/2024/03/media-6-jh4r0t79pmoleasfw38q-300x224.jpg)