CNN-in məlumatına görə, Vaşinqton və Tehran, digər məsələlərlə yanaşı, ABŞ-ın İran limanlarına qarşı blokadasının qaldırılmasını nəzərdə tutan çərçivə sazişini elan etdikdən sonra, İran tankerləri iki aydan sonra ilk dəfə xam neft ixrac etməyə başlayıb.
Vətəninfo.az xəbər verir ki, dəniz nəqliyyatını izləyən analitik şirkət olan TankerTrackers-in məlumatına görə, İran tankerləri artıq iki partiya neft ixrac edib.
Şirkətin peyk görüntüləri ilə təsdiqlənmiş məlumatlarına görə, İran Milli Tanker Şirkətinin 3,8 milyon barel xam neft daşıyan ən azı iki supertankeri ABŞ dəniz blokadası xəttini keçib.
ABŞ prezidenti Donald Tramp bazar ertəsi günü Hörmüz boğazının razılaşdırılmış memorandumun şərtlərinə uyğun olaraq yenidən açıldığını elan etsə də, sonradan vaxtı dəyişdirərək, cümə günü İsveçrədə sənədin rəsmi imzalanmasından sonra boğazın yenidən açılacağını açıqlayıb.
