3 dekabr 2024-cü il tarixində Cəfər Cabbarlı adına İrəvan Dövlət Azərbaycan Dram Teatrında Adilə Nəzərin şəhid Vüsal Vəliyevin həyat və döyüş yolu haqqında yazdığı “Axirətdən gələn səs” qəhrəmanlıq dramı əsasında, İftixar Piriyevin quruluşunda “SƏS” adlı qeyri-səlis təbəddülat janrında hazırlanan tamaşanın premyerası oynanılacaq.
Səhnə əsəri Azərbaycanın qəhrəmanlıq salnaməsində zəfər zirvəsi olan 44 günlük Vətən müharibəsində şücaət göstərmiş şəhidlərimizin əziz xatisəsinə ithaf olunub.
Tamaşa Azərbaycan Dövlət Milli Gənc Tamaşaçılar Teatrının səhnəsində saat 19.00-da nümayiş olunacaq.
