İsrail Livana qarşı müharibəyə başlayır. Vətəninfo.az xəbər verir ki, bu iddia ilə “The National” nəşri çıxış edib. Nəşr hər iki ölkənin hərbi və təhlükəsizlik xidmətlərindəki mənbələrə istinadən xəbər verir ki, İsrail ordusu Livanın cənubunda “Hizbullah”ı sərhəddən geri çəkmək üçün əməliyyata başlaya bilər.
Hərəkat “hər hansı bir ssenariyə”, o cümlədən yerüstü işğala hazırlaşır.
Nəşrin həmsöhbətlərindən birinin sözlərinə görə, ölkənin şimalındakı evlərini tərk edən israillilərin əksəriyyəti “Hizbullah” təhlükəsi aradan qalxana qədər geri qayıtmaq istəmir.
Bu vəziyyət İsrail ordusuna və hökumətinə böyük təzyiq göstərə bilər.
“Bu, növbəti böyük müharibə demək ola bilər”, – mənbə əlavə edib.
İsrail ordusunun əsas məqsədi Hizbullahı sərhədindən 10-15 kilometr geri itələmək olacaq.
