İspaniya çempionatının 17-ci turundan transfer olunan matçda çempion “Real” Madriddə “Valensiya” ilə qarşılaşıb. Vətəninfo.az xəbər verir ki, italiyalı Karlo Ançelottinin rəhbərlik etdiyi komanda 2:0 hesabı ilə qalib gəlib.
Meydan sahibləri qolları ikinci hissədə 2 dəqiqəyə vurublar. 52-ci dəqiqədə ispaniyalı yarımmüdafiəçi Marko Asensio hesabı açıb.
54-cü dəqiqədə kral komandasının üstünlüyünü braziliyalı hücumçu Vinisius Junior dubl edib.
Hər iki qol ötürməsini fransalı hücumçu Kərim Benzema edib.
“Real” 45 xalla ikincidir və lider “Barselona”dan 5 xal geri qalır. “Valensiya” 20 xalla 14-cüdür.
İspaniya çempionatı, 17-ci tur
“Real” – “Valensiya”: 2:0
Marko Asensio, 52, Vinisius Junior, 54
