image-be06d0ab-649f-3d47-827e-88ba0fea3cd4_850backend

ÜST: “Ötən həftə dünyada koronavirusdan ölümlər 4 % artıb”

image-reklam_sirab_01

Son bir həftədə 3,2 milyondan çox insan koronavirusa yoluxub, 8 mindən çox insan ölüb. Ölənlərin sayı 4 % artıb, yoluxmaların sayı isə əvvəlki 7 günlə müqayisədə eyni səviyyədə qalıb.

Bu barədə Ümumdünya Səhiyyə Təşkilatı (ÜST) məlumat yayıb.

Bildirilib ki, beş həftəlik azalmadan sonra həftədə qeydə alınan ölümlərin sayı iyunun 6-12-də yenidən artıb. Əvvəlki həftə ilə müqayisədə (30 may – 5 iyun) dünyada koronavirusdan ölüm halları 4 % artıb, yoluxma hallarının sayı isə eyni səviyyədə qalıb: 3 250 433 infeksiyaya yoluxub və 8 737 ölüm faktı qeydə alınıb.

Əvvəlki həftə ilə müqayisədə yoluxanların sayında ən ciddi azalma Avropa və Qərbi Sakit okean regionunda (8 %) qeydə alınıb. Bununla belə, Şərqi Aralıq dənizi bölgəsi (58 %) və Cənub-Şərqi Asiyada (33 %) yoluxmalar nəzərəçarpacaq dərəcədə artıb. Amerikada (21 %) və Qərbi Sakit Okean regionunda (17 %) ölüm halında əhəmiyyətli artım qeydə alınıb.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki