image-98backend

Azad olunan ərazilərdə su və su təsərrüfatı obyektlərinin elektron su xəritəsi hazırlanıb

image-reklam_sirab_01

“Zəngilan rayonunun ərazisində yerləşən Bəsitçay Dövlət Təbiət Qoruğunun fəaliyyətinin bərpa edilməsi məqsədilə ərazidə ekoloji vəziyyətin qiymətləndirilməsi və zəruri infrastrukturun yaradılması istiqamətində işlərə başlanılıb”.

Vətəninfo.az xəbər verir ki, bunu ekologiya və təbii sərvətlər naziri Muxtar Babayev UNEC İqtisadi Forumu çərçivəsində keçirilən “Qarabağa böyük qayıdış: Dayanıqlı məskunlaşma və iqtisadi reinteqrasiya” adlı paneldə çıxışı zamanı deyib.

Onun sözlərinə görə, tullantıların idarə olunması məsələsi də diqqət tələb edir. Nazir bildirib ki, işğaldan azad edilmiş ərazilər də daxil olmaqla, ölkə üzrə bərk məişət tullantılarının idarə edilməsinin müasir standartlara uyğun təşkili, müvafiq infrastruktunun yaradılması və bu sahədə dövlət orqanlarının fəaliyyətinin əlaqələndirilməsi məqsədilə müvafiq Hökumət Komissiyası yaradılıb.

O qeyd edib ki, işğaldan azad edilən ərazilərdə tullantıların yığılması, daşınması, yerləşdirilməsi və zərərsizləşdirilməsi sisteminin müasir standartlara uyğun qurulması və idarə edilməsi qarşıda duran hədəflərdəndir: “Bu prosesi mütəşəkkil qaydada həyata keçirmək, həmçinin ekoloji vəziyyəti yaxşılaşdırmaq və qeyd olunan sahənin gələcəkdə mərhələlərlə bazar iqtisadiyyatı prinsipləri əsasında inkişaf etdirmək nəzərdə tutulub”.

M.Babayev vurğulayıb ki, ötən müddət ərzində işğaldan azad edilən ərazilərdə iqtisadiyyatın layihələndirmə və planlaşdırma ehtiyaclarının təmin olunması üçün Nazirliyin müvafiq xidməti tərəfindən uçuş aparatları vasitəsilə 213 kvadrat kilometr ərazinin fotoçəkilişləri aparılıb, ortofotoplanlar və rəqəmsal topoqrafik planlar hazırlanıb: “Bununla yanaşı coğrafi informasiya sistemləri bazasında işğaldan azad olunmuş ərazilərdə yerləşən su və su təsərrüfatı obyektlərinin elektron su xəritəsi hazırlanıb”.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki