Böyük Britaniyanın yeni baş naziri Keir Starmer Ukraynanın Rusiya hərbi hədəflərini vurmaq üçün London tərəfindən təchiz edilmiş uzaqmənzilli raketlərdən istifadə etmək hüququna malik olduğunu açıqlayıb. Vətəninfo.az xəbər verir ki, Britaniya hərbi yardımı Kiyevə müdafiə məqsədi ilə verilir, lakin o, Vaşinqtonda NATO sammitinə gedərkən jurnalistlərə deyib ki, “Ukrayna özü bu yardımın bu müdafiə məqsədləri üçün necə istifadə olunacağına qərar verə bilər”.
Bununla Starmer təsdiqlədi ki, onun Leyboristlər hökuməti Ukraynaya uzaqmənzilli raketlərin tədarükü ilə bağlı əvvəlki mühafizəkar Rişi Sunak, Liz Truss və Boris Consonun hökumətləri ilə eyni mövqedən çıxış edir.
Keir Starmer iyulun 5-də hakim mühafizəkarların parlament seçkilərində sarsıdıcı məğlubiyyətindən sonra Britaniyanın yeni hökumətinə başçılıq edib.
