Çexiyanın Ukraynadakı səfirliyi işini bərpa edib.
Bu barədə Çexiya Xarici İşlər Nazirliyi öz saytında məlumat yayıb.
Məlumata görə, səfir Radek Matula mayın 25-də Kiyevə qayıdıb.
Hazırda şəhərdəki diplomatik nümayəndəlikdə beş diplomat çalışır.
Xarici İşlər Nazirliyinin məlumatına görə, Çexiya Ukraynaya hərtərəfli yardım göstərməyə davam edəcək.
Qeyd edək ki, fəaliyyətini fevralın 24-dən dayandıran səfirlik aprelin 13-də işini qismən bərpa etmişdi.
