image-3a38fe01-cfd0-4a00-ad04-d0d355abe11bbackend

DƏHLİZ, DƏHLİZ… – Yaxud daşnaqların ulaşması

image-reklam_sirab_01

Xəbər verildiyi kimi, dekabrın 28-də İrəvanda erməni müxalifətinin iştirakı ilə yürüş keçirilib və iştirakçılar hökumətdən tələb ediblər ki, Laçın dəhlizinin «blokaddan çıxarılması» istiqamətində addımlar atsın.

Erməni və rus mətbuatı riyakar mahiyyətinə sadiq qalaraq, yenə də bölgədə baş verən prosesləri təhrif edir, sadə insanların saqqızını oğurlamaqla məşğul olur. Eyni zamanda feyk ustası olan erməni mətbuatı Azərbaycanın Qarabağ bölgəsini «Dağlıq Qarabağ» adlandırır və özünü elə göstərməyə çalışır ki, ərazinin sahibi elə bir dəstə «sürüşkən» və gəzəyəntə ermənidir.

Xəbərə görə, barəsində söhbət açdığımız «aksiya» müxalif «Daşnaqsütyun» partiyasının gənclər ittifaqı tərəfindən təşkil olunub, partiya özü isə «Ermənistan» müxalifət blokuna daxildir.

Yürüş İrəvandakı «Matenadaran» qədim əlyazmalar (oxu: gizli azdırmalar!) İnstitutundan başlayıb, hökumət binasının yanında başa çatıb.

Elə həmin çərşənbə günü, bundan bir qədər əvvəl KİV-də informasiya yayılıb ki, «Dağlıq Qarabağ»da Rusiya sülhməramlı kontingentinin komandanı, general Andrey Volkovla «tanınmamış respublikanın dövlət naziri – hökumət başçısı» Ruben Vardanyan (Rusiyadan azıb gəlmiş Vartan!) arasında danışıq gedir.

Erməni «aksiyaçılar» göz yaşı tökərək, necə ulaşırlarsa, kənardan baxanlara elə gələ bilər ki, onların tənəffüs yolu bağlanıb və açılmasa «hırsala, tırsala, pırsala» olacaqlar. Amma heç düşünmürlər ki, 30 ildən çoxdur, Naxçıvan bölgəsi blokada şəraitində yaşayır, insanlar ölkə ərazisində sərbəst hərəkət etmək imkanından məhrum ediliblər – səbəbi isə erməni murdarlığıdır!

Belə bir şəraitdə Vartan da Xankəndində «yazıq erməniləri» ətrafına toplayıb, onları itaətsizliyə təhrik edir, insanları «qan olacağı» ilə qorxudur. Bunu görən kasıb-kusub erməni əhalisi nə baş verdiyini kəsdirməyərək, bir-birindən soruşur:

“Ara, bu Vartandırsa, bəs, German (Sterliqov) HORA?”

O biri dığa qayıdır: “Ara, elə ki-elə, German iste…a!”

“Ara, bəs, onun harsını HORA?

Ara, elə o da ORA…”

Xatırladıram ki, bir müddət bundan əvvəl Vartandan öncə, Rusiyadan Qarabağa Sterliqov (German) soyadlı bir milyonçu gəlmişdi – guya, Qarabağda biznes qurub, yaşamaq istəyirdi. Maraqlısı budur ki, German arvadını da Xankəndiyə gətirmişdi. Bildirmişdilər ki, onun arvadı ərazidə «moda nümayişi» təşkil edəcək, özü isə dəyirman işlədəcək, təndirxana açacaq və s. Amma Qarabağda bircə top atılan kimi, German dabanına tüpürüb, aradan çıxıdı. Görünür, arvad da «intim biznesinə» müştəri toplaya bilməmişdi…

İndi yerli erməniləri fikir götürüb ki, ara, bu Vartanın axırı nə təhər olacaq?

Ermənilər arasında ağzıgöyçəklik edənlər də var. Məsələn, Karapetlə Akop pıçıldaşırlar ki, ara, «qızın iki adaxlısı var, bunun axırı yaxşı olmayacək…»

Heç şübhəsizdir ki, adaxlı deyərkən, ermənilər Ərtünlə (Arutyunyan) Vartanı (Vardanyanı) nəzərdə tuturlar.AzPolitika.info

image-reklam_opel_02

  • whatsapp
  • messenger
  • telegram
  • vkontakte
  • odnoklassniki