Deputat Aydın Mirzəzadə deputatların Şuşaya səfərinin təşkil edilməsini xahiş edib.
Veteninfo.az xəbər verir ki, deputat bu barədə təkliflə Milli Məclisin iclasında çıxış edib:
“Ziyalıların və mətbuat nümayəndələrinin vaxtaşırı Şuşaya səfərləri təşkil edilir. Mən Milli Məclis deputatlarının da Şuşaya səfərinin təşkil edilməsini xahiş edirəm. Bu həm də indiki reallığın yerində dəyələndirilməsinə, perspektivlərin müəyyənləşdirilməsinə və canlı müşahidəyə kömək edəcəkdir”.
Spiker Sahibə Qafarova isə Aydın Mirzəzadəyə parlamentarilərin Şuşaya ayrı-ayrılıqda səfər etdiyini xatırladıb:
“Qrup şəklində olmasa da, deputatların ayrı-ayrılıqda və xarici qonaqlarla birlikə Şuşaya səfərləri olub. Amma siz dediyiniz məsələ də reqlamentə uyğundur”.
