Məlumat üçün bildiririk ki, Hacıqabul rayon Gənclər və İdman Sektorunun təşkilatçılığı, “Gənclərin Töhfəsi” İctimai Birliyinin təşəbbüsü və Gənclərə Qayğı İctimai Birliyinin tərəfdaşlığı ilə“Yaşıl dünya naminə həmrəylik ili” çərçivəsində beynəlxalq ekokönüllülük layihəsi, “Gənclərin İnkişaf Məktəbi” layihəsi və “Təmiz Hacıqabulum” kampaniyası çərçivəsində interaktiv oyunlar həyata keçirilib. Layihənin əsas məqsədi gənclərin ekoloji təşəbbüslərinin dəstəklənməsi, ekoloji sahədə təbliğat, təşviqat kampaniyası aparmaq və gənclərin asudə vaxtlarının səmərəli təşkilidir.
Qeyd edək ki, layihə çərçivəsində 4 nəfərdən ibarət 15 komanda arasında “Təmiz oyunlar” yarışı təşkil olunub. Müəyyən olunmuş vaxt ərzində çeşidlər üzrə ən çox ətraf mühit tullantısı toplayan 3 komanda müxtəlif hədiyyə və diplomlarla, digər iştirakçılar isə sertifikatlarla təltif olunub.
Hacıqabulda “Yaşıl dünya naminə həmrəylik ili” çərçivəsində beynəlxalq ekokönüllülük layihəsi həyata keçirilib.
