İsrail polisi cümə axşamı gecə Tel-Əvivdə baş verən silahlı hücumu terror hücumu kimi qiymətləndirib.
“Şübhəli şəxs üç mülki vətəndaşı yaralayıb. Terrorçu polis tərəfindən zərərsizləşdirilib”, – deyə İsrail hüquq-mühafizə orqanlarının mətbuat xidməti bildirib.
Mətbuat xidmətindən əlavə ediblər ki, zərərçəkənlər müxtəlif dərəcəli bədən xəsarətləri alıblar. Onlardan birinin vəziyyəti ağır qiymətləndirilir. İsrailin baş naziri Benyamin Netanyahu Təl-Əvivdə baş verən hadisəni terror aktı adlandırıb.
Atəş açan 23 yaşlı fələstinli Mutaz Salah əl-Xəvaca olub. Ynet xəbər verir ki, onun HƏMAS hərəkatı ilə əlaqələri olub.