image-img_2913backend

İmişlidə rayon Ağsaqqallar Şurasının üzvləri ilə görüş keçirilib

image-reklam_sirab_01

İmişli rayon Heydər Əliyev Mərkəzində rayon Ağsaqqallar Şurasının üzvləri ilə görüş keçirilib. Görüşdə rayon Ağsaqqallar Şurasının sədri Saleh Səmədov və rayon ağsaqqalları iştirak edib.

Əvvəlcə tədbir iştirakçıları Ümummilli Lider Heydər Əliyevin abidəsini ziyarət edib, Ulu Öndərin əziz xatirəsini dərin hörmət və ehtiramla anıblar.

İmişli rayon Heydər Əliyev Mərkəzində baş tutan yığıncaqda ilk olaraq dövlət himni səsləndirilib, sonra Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Yığıncağı giriş sözü ilə açan rayon Ağsaqqallar Şurasının sədri Saleh Səmədov bildirib ki, Azərbaycan xalqının milli dəyərlərindən irəli gələrək tarix boyu ağsaqqallar cəmiyyətdə yüksək hörmət və nüfuz sahibi olublar. Hər zaman öz müdrikliyi ilə seçilən ağsaqqallarımız Azərbaycan dövlətçiliyinin çətin günlərində də xalqın ön sıralarında olub, insanlara doğru-düzgün yol göstəriblər. 1993-cü ilin təlatümlü günlərini xatırlamaq kifayətdir. İkinci dəfə əldə edilən müstəqilliyimiz böyük təhlükə qarşısında idi. Belə bir mürəkkəb dövrdə ümummilli lider Heydər Əliyevi siyasi hakimiyyətə dəvət edənlərin böyük əksəriyyəti məhz ağsaqqallar idi.

Çıxış edən rayon Ağsaqqallar Şurasının sədr müavini Ramiz Əmirov qeyd edib ki, Azərbaycan Respublikasının Prezidenti cənab İlham Əliyev hər zaman gənclərə göstərdiyi diqqət  və qayğı ilə yanaşı ağsaqqallara da həmişə böyük dəyər verib.

Çıxış edən Bəcirəvan kənd Ağsaqqallar Şurasının sədri Məmi Atakişiyev Azərbaycanda “ağsaqqal” sözünə ehtiramla, diqqətlə yanaşılmasının çox qədim tarixi və zəngin ənənələrindən söhbət açıb.

Rayon Ağsaqqallar Şurasının yeni üzvü Adil Kərimov qeyd edib ki, xalqımızın mənəvi dünyasında, milli mentalitetində ağsaqqal sözü, ağsaqqal xeyir-duası həmişə vacib sayılıb. Yeni ailə qurulanda, dara düşəndə, mübahisəli məsələlərin həllində ağsaqqal sözü keçərli olub. Ağsaqqallar gənclərə dəyərli məsləhətlər verib, düzgün yol göstəriblər.

Digər çıxış edənlər Müzəffər Ali Baş Komandan, Prezident İlham Əliyevin Heydər Əliyev yolunu, irsini ən layiqli şəkildə davam etdirməsindən söz açıblar.

Tədbirin sonunda Kənd Ağsaqqallar Şurasının yeni seçilmiş sədrlərinə döş nişanları təqdim olunub.


  • whatsapp
  • messenger
  • telegram
  • vkontakte
  • odnoklassniki