Ukrayna baş nazirinin müvəqqəti işğal olunmuş ərazilərin reinteqrasiyası üzrə müavini İrina Vereşçuk hazırda Baxmutda 4000-ə yaxın mülki vətəndaşın yaşadığını deyib.
Vətəninfo.az xəbər verir ki, İrina Vereşçuk televiziya kanallarının birinə verdiyi müsahibədə müharibədən əvvəl Baxmutda 12 mini uşaq olmaqla 70 mindən çox insanın yaşadığını bildirib.
Hazırda Baxmutda 4 minə yaxın mülki vətəndaşın olduğunu ifadə edən İrina Vereşçuk deyib: “Bununla yanaşı Baxmutda 38 uşağın olduğuna dair məlumat əldə etdik”.
İrina Vereşçuk qeyd edib ki, insanların evakuasiyası üçün hakimiyyət orqanlarının şəhərə daxil olması çətinləşir və insanların yeri barədə məlumat həmişə mövcud deyil.
