Suriya Müdafiə Nazirliyindən verilən məlumata görə, Hələb Beynəlxalq Hava Limanı İsrailin hava hücumu səbəbindən fəaliyyətini dayandırıb.
“Bu gün saat 02:07-də İsrail düşməni Aralıq dənizi tərəfdən Latakiyadan qərbə hava hücumu həyata keçirərək, Hələb beynəlxalq hava limanını vurub. Hücum nəticəsində sıradan çıxıb”, – Suriya Müdafiə Nazirliyinin bəyanatında deyilir.
Bundan əvvəl Suriya dövlət televiziyası Hələb beynəlxalq hava limanı yaxınlığında baş verən hücumla bağlı məlumat yayıb.