İtkin düşən Tərtər rayon sakini axtarılır.
DİN-in Mətbuat Xidmətinin Bərdə regional qrupundan Veteninfo.az-a verilən məlumata görə, Tərtər rayon sakini Əlizamin Tağızadə yanvar ayının 9-da evdən çıxaraq bir daha geri qayıtmayıb.
Onun itkin düşməsi ilə bağlı yanvar ayının 22-də RPŞ-yə müraciət olunub. Ə.Tağızadənin əlamətləri belədir: qısaboylu, gözlərinin rəngi şabalıdı, fiziki və nitqi qüsurludur. Əynində qara şalvar, ağ köynək, qara qış gödəkçəsi, qara ayaqqabı olub.
Məlumatı olanlardan DİN-in “102 Zəng Mərkəzi” Xidmətinə, həmçinin Tərtər Rayon Polis Şöbəsinin 022-23-6-30-34 və 055-722-22-42 nömrələrinə zəng vuraraq məlumat vermələri xahiş olunur.
