Malinin Qao şəhərinin şimalında baş verən silahlı hücumda azı 20 mülki şəxs həlak olub.
Bu barədə “Veteninfo” xarici mətbuata istinadən xəbər verir.
“Terrorçular şənbə günü Anjavaj kommunasının bir neçə yaşayış məntəqəsində azı 20 mülki sakini öldürüblər”, – yerli hüquq-mühafizə orqanları bildirir.
Şəhər rəsmilərindən biri hücumda 24 mülki şəxsin həlak olduğunu bildirib. Hadisənin təfərrüatları açıqlanmır.
Hücuma görə məsuliyyəti hələ heç bir qruplaşma üzərinə götürməyib.