Vətəninfo.az xəbər verir ki, Böyük Britaniyanın müdafiə naziri Ben Uolles vəzifəsindən istefa verib.
Ben Uolles bununla bağlı Baş nazir Rishi Sunaka məktub ünvanlayıb.
Ben Uolles məktubunda bildirib ki, Böyük Britaniya ordusu xüsusilə Ukrayna-Rusiya müharibəsindən sonra hörmətəlayiq orduya çevrilib.
Ben Uolles deyib:“Bilirəm ki, müdafiə xərclərinin özbaşına qəbul edildiyi günlərə qayıtmaq istəmirsiniz”.
On ildən sonra dünyanın daha etibarsız və qeyri-sabit olacağına inandığını ifadə edən Ben Uolles deyib: “İkimiz də bilirik ki, bu gün gələcəyə sərmayə qoymağın vaxtıdır”.
1991-ci ildə orduya qatılan Ben Uolles özünü ölkəsinə xidmətə həsr etdiyini bildirib.
Nazir Ben Uollesin istefasını qəbul edən Rişi Sunak deyib:”Bu çətin vəzifəni 8 ildir ki, icra edirsiniz. Bu səbəbdən istefa etməyinizi anlayıram. Sizə minnətdarıq”.
Qeyd edək ki, Ben Uollesın postuna Enerji Təhlükəsizliyi və Sıfır Emissiyalar üzrə Dövlət Katibi Qrant Şapps təyin edildi.
Nazirlər Kabinetindən mövzu ilə bağlı verilən açıqlamada Kral III Çarlzın təyinat qərarını təsdiqlədiyi bildirilib.
Müdafiə naziri istefa verdi
