Vətəninfo.az xəbər verir ki, Nottingham Forest klubu Avropa turnirinə hazırlıq çərçivəsində heyətini gücləndirmək üçün növbəti böyük transferlərini tamamlamaq üzrədir. Premyer Liqa təmsilçisi Manchester City-nin yarımmüdafiəçisi Ceyms Maktini və “Renn” klubunun hücumçusu Arno Kalimuenodunu heyətinə qatmaq üzrədir. Hər iki futbolçunun cümə günü tibbi müayinədən keçəcəyi gözlənilir.
30 milyon funt sterlinqə Maktini, 26 milyona Kalimuenodu
Forest, 21 yaşlı Maktinin transferi üçün “Mançester Siti” ilə 30 milyon funt sterlinqlik razılıq əldə edib. Müqaviləyə həmçinin geri alma (buy-back) və növbəti satışdan pay (sell-on) maddələri də daxil edilib.
İngiltərə U-21 millisinin üzvü olan Maktini Bundesliqadan – o cümlədən “Borussiya Dortmund”dan gələn marağa rəğmən Forest-i seçib. 2013-cü ildən bəri Manchester City-nin akademiyasından keçmiş futbolçu bu yay beşillik müqavilə imzalayacaq.
Eyni zamanda, 23 yaşlı Fransalı hücumçu Arno Kalimueno da 26 milyon funt sterlinq qarşılığında “Renn” klubundan transfer olunur. Onun da cümə günü Nottingham Forest-in bazasında tibbi müayinədən keçməsi gözlənilir.
Daha 4 transfer hədəfdə – siyahıda Fernandes, Musah və Bakwa da var
Forest-in baş məşqçisi Nunu Espiritu Santu transfer pəncərəsi bağlanana qədər daha azı dörd oyunçu transfer etmək istəyir. Klub cinah müdafiəçiləri, hücumçular və vingerlər axtarışındadır.
Forest-in əsas hədəflərindən biri Southampton-un portuqaliyalı yarımmüdafiəçisi Mateus Fernandesdir. Premyer Liqada qalmaq istəyən Fernandes üçün 50 milyon funt sterlinq tələb olunur. Bu transfer uğrunda West Ham da yarışa qoşulub.
Bundan əlavə, Strasburq-un vingeri Dilan Bakwa ilə maraqlanılır, lakin bu transferlə bağlı razılaşma hələ yaxın deyil. Klub həmçinin AC Milan ilə ABŞ yığmasının üzvü Yunus Musah üçün danışıqlar aparır. Musah Forest-ə keçməkdə maraqlıdır.
Satışlar da planlaşdırılır – heyət azaldılır
Nunu Espiritu Santu heyəti balanslaşdırmaq üçün bəzi oyunçuları göndərməyi planlaşdırır. Cinah oyunçusu Jota Silva ilə Sportinq Lissabon maraqlanır. Eyni zamanda, ikinci qapıçı Karlos Miqel Braziliyanın “Palmeyras” klubuna keçməyə yaxındır.
Əlavə olaraq, David Karmo, Omar Riçards və Marko Stamenic kimi oyunçular ya icarəyə göndəriləcək, ya da birdəfəlik transfer ediləcəklər.
Forest Avropaya qayıdır – Premyer Liqa mövsümünə start
Forest bu həftə sonu Brentford ilə evdə keçirəcəyi oyunla Premyer Liqa mövsümünə start verəcək. Klub təxminən 30 ildən sonra ilk dəfə Avropa kuboklarına qatılacaq və rəhbərlik bu məqsədlə heyəti ciddi şəkildə gücləndirir.
Qeyd edək ki, transfer pəncərəsi sentyabrın 1-də bağlanacaq.
