Qarabağdakı qondarma qurumun rəhbərinin dəyişdirilməsi məsələsi ən azı yarım il təxirə salınır.
Dünən qondarma rejimin “parlament”i “konstitusiya”ya dəyişiklik layihəsini və hərbi əməliyyat zamanı “prezident” vəzifəsinin boş qalması halında onun xüsusiyyətlərini “təsdiqləyib”.
“Layihə” separatçı rejimin “ali məhkəmə”sinə göndərilib, orada sözügedən düzəlişin “konstitusiya”ya uyğunluğu məsələsi həll olunacaq.
“Qanun”a görə, “ali məhkəmə” öz rəyini bildirmək üçün 10 gündən 6 aya qədər vaxt verir. Bu isə o deməkdir ki, “Arsax” “prezident”inin dəyişdirilməsi məsələsi ən azı yarım il təxirə salınır.
Lakin qondarma rejim “fövqəladə vəziyyət”lərdə daha tez “qərar” verəcəyini istisna etmir.
