Şəmkirdə Şəmkir Gənclər Evinin təşkilatçılığı və Gənclərin Töhfəsi İctimai Birliyinin dəstəyi, Gənclərə Qayğı İctimai Birliyinin tərəfdaşlığı ilə “Yaşıl dünya naminə həmrəylik ili” çərçivəsində ekoloji aksiya keçirilib.
Təxminən 30-a yaxın gəncin iştirak etdiyi aksiya çərçivəsində məişət tullantılarının təmizlənməsi istiqamətində yarış keçirilib. Ən çox tullantı toplayan 3 komanda müxtəlif hədiyyələrlə təltif olunub.
Aksiyanın keçirilməsində əsas məqsəd şəhər ərazisinin məişət və digər tullantılarla çirkləndirilməsinin qarşısının alınması, əhalinin tullantıların düzgün idarə edilməsi ilə ətraf mühitin neqativ təsirlərdən qorunması istiqamətində maarifləndirilməsi, o cümlədən insanların ətraf mühitin mühafizəsinə münasibətini dəyişməklə ekoloji vəziyyətinin yaxşılaşdırılmasında gənclərin rolunu artırmaqdır.
Qeyd edək ki, baş tutan aksiyada müəyyən olunmuş ərazi tullantılardan təmizlənib, toplanan tullantıların aidiyyəti üzrə daşınması təmin edilib.
#Şəmkir #Shamkir #ŞəmkirGənclərevi #Gənclərİdman
