İran Qarabağda xaos yaratmaq məqsədi ilə Sincarda terrorçular hazırlayır. Bu iddia ilə Türkiye Gazetesi çıxış edib.
Vətəninfo.az xəbər verir ki, qəzet iddia edir ki, İranlı hərbi ekspertlər Sincarda PKK-nın kürd terror qruplaşmaları və İraqın hərbiləşdirilmiş Həşd-Şəəbi silahlıları (SEPAH-a bağlı) üçün xüsusi təlim keçir.
İraqın təhlükəsizlik orqanlarındakı mənbələrdən alınan məlumata görə, iki qapalı düşərgədə xüsusi təlimlər keçirilir. Həşd-Şəəbi qruplaşmasının komandiri Şeyx Əbu Mərva qəbul və maddi-texniki təminata rəhbərlik edir. Seçim, əsasən təşkilata üzv olan yezidi kürdlər arasında aparılır.
2000 PKK terrorçusu və 2000 şiə yaraqlısının təlim keçməsinin İranın Qarabağa müdaxiləsinin bir hissəsi olduğu bildirilir. İranın konsulluq açdığı Zəngəzurda sayı təqribən 100 min nəfər olan yerli yezidilər arasında da iş aparılır.