Məlumat üçün bildiririk ki, “Gənclərin Töhfəsi” İctimai Birliyi və Abşeron-Xızı Regional Gənclər və İdman İdarəsinin birgə təşkilatçılığı, Gənclərə Qayğı İctimai Birliyinin tərəfdaşlığı ilə “Yaşıl dünya naminə həmrəylik ili” çərçivəsində “Təmiz oyunlar” beynəlxalq ekokönüllülük layihəsi çərçivəsində təmizlik yarışı keçirilib. Layihənin əsas məqsədi gənclərin ekoloji təşəbbüslərinin dəstəklənməsi, ekoloji sahədə təbliğat, təşviqat kampaniyası aparmaq və gənclərin asudə vaxtlarının səmərəli təşkilidir.
Qeyd edək ki, layihə çərçivəsində 4 nəfərdən ibarət 15 komanda arasında “Təmiz oyunlar” yarışı təşkil olunub. Müəyyən olunmuş vaxt ərzində çeşidlər üzrə ən çox ətraf mühit tullantısı toplayan 3 komanda müxtəlif hədiyyə və diplomlarla, digər iştirakçılar isə sertifikatlarla təltif olunub.
Sumqayıt şəhərində “Yaşıl dünya naminə həmrəylik ili” çərçivəsində beynəlxalq ekokönüllülük layihəsi həyata keçirilib.
