ABŞ-ın keçmiş prezidenti Donald Tramp növbəti dəfə ən yüksək dövlət vəzifəsinə namizədliyini irəli sürərək yüksək məhkəmə xərclərinə görə təyyarələrindən birini satıb. Vətəninfo.az xəbər verir ki, bu barədə “The New York Post” yazır.
Onun sözlərinə görə, söhbət Cessna Citation X-dən gedir. Tramp bundan 2016-cı il seçki kampaniyası zamanı tez-tez istifadə edirdi. O, 10 milyon dollara başa gəlib və İran əsilli tikinti maqnatı və Trampın əsas donoru Mehrdad Moayedi tərəfindən alınıb.
Tramp Kapitola hücumu, məxfi sənədlərin saxlanması və maliyyə sənədlərinin saxtalaşdırılması da daxil olmaqla bir neçə hüquqi işdə iştirak edir. Aprelin sonunda Bloomberg Trampın seçki kampaniyasının maliyyə hesabatlarına istinad edərək, onun vəkillərin maaşını ödəmək üçün vəsait çatışmazlığı ilə üzləşə biləcəyini bildirib. Nəşrin qeyd etdiyi kimi, hələlik o, donorların ianələrini qəbul edə bilən “Amerikanı xilas et” siyasi fəaliyyət komitəsi sayəsində hüquqi haqlar ödəyir və Respublikaçı Milli Komitə Trampın hüquqi xərclərini ödəməkdən imtina edib.
