ABŞ Müdafiə Nazirliyinin Avropa Komandanlığının (EUCOM) nümayəndəsi, general-mayor Daniel Lasika bu gün Ermənistana səfər edib. Vətəninfo.az xəbər verir ki, general-mayor Daniel Lasika Ermənistan güc nazirləri ilə qeyri-rəsmi görüşlər keçirəcək.
Generalın səfərini ABŞ-ın Ermənistandakı səfirliyi də təsdiq edib.
Səfirliyin yaydığı açıqlamada bildirilir ki, səfər çərçivəsində general, Ermənistan Müdafiə Nazirliyi və Milli Təhlükəsizlik Şurasının rəsmiləri ilə görüşlər keçirəcək, bu gün isə o həmçinin “Zar” hərbi təlim mərkəzinə baş çəkəcək.
“General-mayor Ermənistanın müdafiə naziri Suren Papikyan, Baş Qərargah rəisi Edvard Asryan və Milli Təhlükəsizlik Şurası ilə görüşəcək. Dövlət katibi Armen Qriqoryan Ermənistan-Amerika təhlükəsizlik münasibətləri və regional təhlükəsizlik məsələlərini müzakirə edəcək. General-mayor Lasika sülhməramlı qüvvələrin “Zar” təlim mərkəzinin yeni kazarma, yeməkxana və konfrans zalının açılış mərasimində iştirak edəcək”, – deyə ABŞ-ın Ermənistandakı səfirliyindən bildirilib.