ABŞ Mərkəzi Komandanlığı (CENTCOM) çərşənbə axşamı günü ABŞ ordusunun İrana növbəti zərbələr endirdiyini açıqladı.
Vətəninfo.az xəbər verir ki, bəyanatda deyilir: “ABŞ Mərkəzi Komandanlığı İrana qarşı daha bir zərbə endirib və Hörmüz boğazının İran sahillərində onlarla hərbi hədəfə zərbə endirib”.
Qeyd olunur ki, zərbələr İranın raket və pilotsuz təyyarə bazalarına da dəyib.
Komandanlıq bildirib ki, “Yeddi saatlıq zərbələr dalğası zamanı ABŞ qırıcı təyyarələri, dronları və dəniz gəmiləri İranın raket və dron bazalarına, dəniz qüvvələrinə və sahil müdafiə sistemlərinə qarşı dəqiq idarə olunan sursatlar atıb ki, bu da İranın kommersiya gəmiçiliyinə və mülki personala təhdid etmək qabiliyyətini daha da zəiflədib”.
Mərkəzi Komandanlıq (CENTCOM) qeyd edib ki, bu zərbələr dalğası ABŞ ordusunun İran limanlarına qarşı dəniz blokadasını bərpa etdiyi gün başlayıb.
Blokada çərşənbə axşamı Şərq vaxtı ilə saat 16:00-da qüvvəyə minib.
CENTCOM vurğulayıb ki, “ABŞ qüvvələri ayıq, bacarıqlı və baş komandanın göstərişlərinə uyğun olaraq əməliyyatlar aparmağa hazırdır”.
