“The New York Times” ABŞ rəsmilərinə istinadən yazır ki, Ağ Ev İsraildən quruya hücumu təxirə salmaqla girovlarla bağlı danışıqlara daha çox vaxt verməsini istəyir.
Qeyd edilib ki, Bayden administrasiyası da ABŞ-ın regiondakı obyektlərinə qarşı hər hansı potensial hücumlara hazırlığı artırmaq istəyir, onun fikrincə, müharibə davam etdikcə bu hücumlar daha da güclənə bilər.
Mənbələrə görə, ABŞ bu barədə İsraili müdafiə naziri Lloyd Ostin vasitəsilə məlumatlandırıb.
ABŞ prezidenti Co Bayden dünən baş nazir Benyamin Netanyahu ilə yenidən danışıb.
ABŞ rəsmiləri İsrailin ABŞ tərəfindən idarə olunduğunu uzun müddətdir iddia edən İran və onun müttəfiqləri tərəfindən quruya hücumun davam edən gecikməsindən istifadə oluna biləcəyindən narahatdırlar.
Qəzetin yazdığı kimi, ABŞ İsraildən quru işğalını ləğv etməyi tələb etmir, əksinə gözləməyi məsləhət görür və əmin edir ki, Vaşinqton əvvəlki kimi “İsrailin HƏMAS-ı məhv etmək məqsədini tam dəstəkləyir”.
