ABŞ Dövlət Departamenti Meksika narkotik kartelləri olan Juárez Cartel və Los Viagrasın Xarici Terror Təşkilatları (XTT) və Xüsusi Təyin Edilmiş Qlobal Terrorçular (XTT) siyahısına daxil edildiyini açıqladı. Vətəninfo.az xəbər verir ki, bu barədə Dövlət Departamentinin açıqlamasında bildirilir.
Departament bildirib ki, hər iki kartel ABŞ vətəndaşlarına, Meksika təhlükəsizlik qüvvələrinə və mülki şəxslərə qarşı çoxsaylı hücumlar həyata keçirən zorakı narko-terror təşkilatlarıdır.
Dövlət Departamenti qərarın narkotik kartellərinin fəaliyyətinə qarşı mübarizə aparmaq, onların maliyyə resurslarına çıxışını məhdudlaşdırmaq və zorakı cinayətlərin maliyyələşdirilməsi üçün istifadə olunan gəlir mənbələrini pozmaq məqsədi daşıdığını vurğulayıb.
Qərar qüvvəyə mindikdən sonra, siyahıda adı çəkilən qurumların və onlarla əlaqəli şəxslərin ABŞ-da və ya ABŞ vətəndaşlarının nəzarəti altında olan aktivləri dondurulacaq. ABŞ vətəndaşlarına onlarla maliyyə əməliyyatları aparmaq da qadağandır.
