ABŞ artıq Ukraynaya silah tədarükü üzrə PURL proqramı çərçivəsində 6 milyard dollardan çox qazanıb.
Vətəninfo.az xəbər verir ki, bu barədə ABŞ-nin NATO-dakı daimi nümayəndəsi Metyu Uitaker “Fox News” telekanalının efirində bildirib.
“Biz bu proqram üzrə 6 milyard dollardan çox vəsait əldə etmişik və bunu (proqramda iştirakı – red.) davam etdirmək niyyətindəyik”, – o deyib.
Qeyd edək ki, PURL (“Prioritised Ukraine Requirements List”) təşəbbüsü ABŞ Prezidenti Donald Tramp və NATO-nun Baş katibi Mark Rütte tərəfindən 2025-ci ilin 14 iyulunda irəli sürülüb. NATO müttəfiqləri Ukrayna üçün silahları ABŞ ehtiyatlarından satın alırlar.
