Vətəninfo.az xəbər verir ki, İranlı siyasi təhlilçi Əhməd Zeydabadi özünün sosial media hesabında HƏMAS liderinin öldürülməsi ilə bağlı yazıb:
“-İsmayıl Həniyənin qətlinə görə məsuliyyəti İsrail öz üzərinə götürsə də götürməsə də, heç bir ağıllı insan bu sui-qəsdə görə başqa bir tərəfi günahkar bilməyəcək;
-İsrail çox güman ki, Həniyəni Qətərdə və ya Türkiyədə öldürə bilərdi, ancaq hər cəhətdən təxribat addımı kimi qəsdən Tehranı seçib;
-İsrail başqa vaxtlarda da Həniyəni aradan qaldırardı, ancaq İranın yeni hökumətini böhran, xaos və çaşqın vəziyyətə salmaq üçün Məsud Pezeşkianın andiçmə mərasimindən sonrakı gecə terror əməliyyatına əl atdi;
-Bu sui-qəsdlə vəziyyət hər cəhətdən mürəkkəbləşib. Düzgün istiqamətdə hansı addım atılmalı olduğunu söyləmək belə asan deyil;
-Qəzzadakı müharibə çoxdan Hizbullahla İsrail arasında birbaşa, İranla İsrail arasında isə az-çox dolayı qarşıdurma meydanına çevrilib. Bu müharibənin davam etməsi çox baha başa gələcək və onu dayandırmaq da çox çətindir;
-İstər-istəməz müharibəni davam etdirmək və ya ona son qoymaq arasında seçim edilməlidir. Siyasətin faciəvi mahiyyəti məhz budur! Son dərəcə acı, ancaq qaçılmaz seçim”.
Analitik: “ İsrail Həniyəni Qətərdə və ya Türkiyədə qətlə yetirə bilərdi, ancaq bilərəkdən Tehranı seçdi”
