İranlı din xadimi Ayətullah Fazel Lənkərani hökuməti kəskin tənqid edib. Vətəninfo.az xəbər verir ki, din xadimi İranda insanların çoxunun yoxsulluq həddində olduğunu bildirib.
“Bu il yoxsulluq həddi xeyli artıb, çünki xalqın gəlirləri artmayıb. Gecələr yatıb səhər yuxudan duran və gəlirləri astronomik dərəcədə artan yalnız kapitalistlərdir. Odur ki, bu gün cəmiyyətdə orta təbəqə yoxdur. Əgər keçən il əhalinin 64%-i orta təbəqə sayılırdısa, indi bu, 24%-dir, yəni insanların əksəriyyəti yoxsulluq həddindədir”, – deyə din xadimi İran hökumətinin iqtisadi siyasətini tənqid edib.
