Erməni deputat Tiqran Abramyan Qarabağda baş verən proseslərlə bağlı erməni mediasına açıqlama verib. Vətəninfo.az xəbər verir ki, Tiqran Abramyan Qarabağ erməniləri ilə Azərbaycan nümayəndə heyətinin görüşünü Azərbaycanın qələbəsi adlandırıb.
“Qarabağda Rusiya sülhməramlılarının qərargahında ermənilərlə azərbaycanlılar arasında keçirilən görüşlə Azərbaycan istəyinə nail oldu. Artıq Azərbaycan bəyan edir ki, bu görüşlər vasitəsilə o, Qarabağın Azərbaycana inteqrasiyasına nail olmağı qarşısına məqsəd qoyub. Azərbaycan tərəfi ilə görüş ermənilərin məğlubiyyətidir. Azərbaycan bu təmaslar vasitəsilə erməniləri özünüküləşdirəcək və tezliklə bütün Qarabağda öz bayrağını dalğalandıracaq ki, bu bizim acınacaqlı məğlubiyyətimizdir” -deyə Tiqran Abramyan bildirib.
