ABŞ prezidenti Co Bayden Çin prezidenti Si Cinpini Rusiyaya dəstək verəcəyi təqdirdə, Qərb investisiyalarını itirə biləcəyi ilə hədələyib.
Bu barədə Amerika liderinin özü PBS telekanalına müsahibəsində bildirib.
“Yayda ona zəng etdim ki, bu təhlükə deyil, sadəcə müşahidədir… Görün Rusiyaya nə olub. McDonald’s-dan tutmuş Exxon-a kimi 600 Amerika korporasiyası Rusiyanı tərk edib.
Sən mənə deyirsən ki, ABŞ və Avropa ilə münasibətləri qoruyub saxlamağın səbəbi onların Çinə sərmayələrini cəlb etməkdir. Və əgər siz eyni işə qarışa bilsəniz, Çinə kim sərmayə qoyacaq?”, – Bayden deyib.
