image-5555backend

BMT zəlzələdən zərər çəkmiş Türkiyə və Suriyaya əlavə yardım göstərməyə hazırdır

image-reklam_sirab_01

Birləşmiş Millətlər Təşkilatının (BMT) baş katibi Antonio Quterreş ürəklərinin yeni zəlzələlər yaşayan Türkiyə və Suriya xalqının yanında olduğunu bildirib və BMT-nin əlavə yardım göstərməyə hazır olduğunu açıqlayıb.

Vətəninfo.az xəbər verir ki, Quterreş Türkiyənin Hatay vilayətinin Defne rayonunda baş verən 6,4 bal gücündə zəlzələdən sonra sosial media hesabından paylaşım edib.

BMT qruplarının vəziyyəti yerində qiymətləndirdiyini qeyd edən Quterreş “Lazım olarsa, əlavə yardım etməyə hazırıq” deyib.

Qeyd edək ki, Hatay vilayətinin Defne qəsəbəsində fevralın 20-də yerli vaxtla saat 20:04-də 6,4 bal gücündə zəlzələ olub. Saat 20:07-də isə yenə Hatayın Samandağ qəsəbəsində 5,8 bal gücündə zəlzələ baş verib. Zəlzələlər Suriya, İordaniya, İraq, Fələstin, İsrail və Misirdə də hiss olunub.


  • whatsapp
  • messenger
  • telegram
  • vkontakte
  • odnoklassniki