DÇ-2022-nin 1/4 finalında Mərakeşə minimal hesabla uduzan portuqaliyalı hücumçu Kriştiano Ronaldo Facebook-da paylaşım edib. Vətəninfo.az xəbər verir ki, ulduz futbolçu bildirib ki,16 il ərzində 5 dünya çempionatında qol vurub, həmişə böyük oyunçuların yanında olub, milyonlarla portuqaliyalının dəstəyini hiss edib.
“Portuqaliya üçün Dünya Kubokunu qazanmaq karyeramın ən böyük arzusu idi. Xoşbəxtlikdən mən bir çox beynəlxalq titullar qazandım, o cümlədən Portuqaliya üçün, lakin ölkəmizin adını dünyada ən yüksək səviyyəyə çatdırmaq mənim ən böyük arzum olub.
Mən bunun üçün mübarizə apardım. Bu arzum üçün çox mübarizə apardım. 16 il ərzində 5 dünya çempionatında qol vurdum, həmişə böyük oyunçuların yanında olub, milyonlarla portuqaliyalının dəstəyini hiss edərək hər şeyimi verdim. Hər şeyi meydanda buraxdım. Mən heç vaxt mübarizədən dönməmişəm və bu arzumdan əl çəkməmişəm.
Təəssüf ki, bu yuxu dünən bitdi. Buna isti reaksiya verməyə dəyməz. Hamınızın bilməsini istəyirəm ki, çox şeylər deyilib, çox yazılıb, çox fərziyyələr edilib, amma mənim Portuqaliyaya olan bağlılığım bir saniyə belə dəyişməyib. Mən də hər kəsin məqsədi uğrunda mübarizə aparan insan olmuşam və heç vaxt həmkarlarımdan, ölkəmdən üz döndərməmişəm.
Bu anda əlavə ediləcək bir şey yoxdur. Təşəkkür edirəm, Portuqaliya. Sağ ol, Qətərr. Yuxu var ikən gözəl idi… Ümid edirəm ki, zaman yaxşı bir məsləhətçi olacaq və hər kəsə öz nəticələrini çıxarmağa imkan verəcək”. – Ronaldo qeyd edib.
