Bu gün Qurtuluş savaşını qələbə ilə başa çatdıran qardaş Türkiyə 30 Avqust Zəfər bayramını qeyd edir.
Vətəninfo.az xəbər verir ki, I Dünya müharibəsi nəticəsində Osmanlı dövlətinin məğlub olması ilə ölkə torpaqlarının xarici qüvvələr tərəfindən işğalına Yunanıstan ordusunun Anadolunu işğal cəhdi də əlavə olundu.
Bundan sonra bir neçə il davam edən Qurtuluş savaşı başladı. Qurtuluş savaşının son halqası 30 avqust 1922-ci ildə qələbə ilə başa çatan Başkomandanlıq Meydan Müharibəsi oldu. Bu qələbə müstəqil Türkiyə Respublikasının qurulmasına imkan yaratdı.
