Cənubi Qafqazın sabitliyi həm Türkiyə, həm də İran üçün vacibdir. Vətəninfo.az xəbər verir ki, bunu Türkiyənin xarici işlər naziri Mövlud Çavuşoğlu Ankarada səfərdə olan iranlı həmkarı Hüseyn Əmirabdollahian ilə görüşdən sonra keçirdiyi birgə mətbuat konfransında deyib.
Çavuşoğlu qeyd edib ki, görüş zamanı “3+3” və “Azərbaycan-Türkiyə-İran” formatında müvafiq danışıqların aparılması məsələləri müzakirə olunub.
Türkiyənin xarici işlər naziri Cənubi Qafqazda həyata keçirilməsi planlaşdırılan infrastruktur layihələrinin hər kəs üçün faydalı olacağını vurğulayıb.
