Çin Xarici İşlər Nazirliyinin sözçüsü Quo Ciakun bildirib ki, gəmilərin Hörmüz boğazından keçməsi məsələsi bütün maraqlı tərəflərin maraqlarını nəzərə alaraq düzgün həll yolu tələb edir.
Vətəninfo.az xəbər verir ki, o, brifinqdə İran və Omanın su yolundan keçid üçün rüsum müəyyən etmə perspektivlərini şərh edərkən vurğulayıb: “Hörmüz boğazı beynəlxalq gəmiçilik üçün istifadə olunur. Bu boğazda təhlükəsiz və sərbəst naviqasiyanın mümkün qədər tez bərpa edilməsi bütün tərəflərin maraqlarına uyğundur. Bu məsələ düzgün həll olunmalıdır”.
Çinli diplomatın aydınlaşdırdığı kimi, belə bir fikir “beynəlxalq ictimaiyyətin ümumi rəyidir”. Quo Ciakun qeyd edib ki, Çin bu məsələ ilə bağlı maraqlı ölkələrlə dialoq aparmağa hazırdır.
