Ermənistan ordusunda kütləvi həbslərlə bərabər , orduda təmizlənmə aparılır. Vətəninfo.az xəbər verir ki, bu barədə “Hraparaq” nəşri məlumat yayıb. Bu gün erməni ordusunun ən qalmaqallı generalı Arakel Martikyan vəzifəsindən azad edilib.
General-mayor Arakel Martikyan bu gün prezident Vaaqn Xaçaturyanın imzaladığı sərəncamla Ermənistan Silahlı Qüvvələrinin Baş Qərargah rəisinin müavini vəzifəsindən azad edilib. Qeyd edək ki, general-mayor Arakel Martikyanın adı külli miqdarda korrupsiyada hallanır və erməni mediası onu ordunun “çirkli pullar xəzinadarı” adlandırırdı.