Suriya ordusu Hələb beynəlxalq hava limanının işini dayandırdığını elan edib və buna görə İsrail tərəfini günahlandırıb. Vətəninfo.az-ın məlumatına görə , bu barədə Suriyanın SANA agentliyi Müdafiə Nazirliyindəki mənbəsinə istinadən məlumat yayıb.
“Bazar ertəsi səhər saat 4:30 radələrində İsrail düşməni Aralıq dənizi istiqamətindən, Latakiyanın qərbindən Hələb hava limanını hədəfə alaraq hava hücumu əməliyyatı həyata keçirib”, – agentliyin həmsöhbəti bildirib.
Mənbənin sözlərinə görə, zərbə nəticəsində hava limanının uçuş-enmə zolağı zədələnib və o, hazırda təyyarələri qəbul edə bilmir.
